1_edited_edited.jpg

Рашаан эмчилгээ

     Хужиртын халуун рашааны найрлага нь рашаан усанд байвал зохих нормативаас илүү хэмжээтэй агуулагдсан, иончлогдсон уусмал хэлбэртэй оршдог.

 

     Анх байгалиасаа мөнхийн халуун заяагдсан, бие махбодийн эд эсийн түвшинд атом молекул био энерги, биохимийн онц гайхамшигтай, эмчилгээний нөлөө үзүүлдэг, цахиурын хүчлээс гадна рашаан эмчилгээний увидастай бусад олон олон янзын бодисууд ( фотор, азот, карбонат, гидрокарбонат, натри, кали, хүхэр ус төрөгч, нүүрстөрөгч, радон)-с бүрэлдэн тогтсон байгалийн халуун рашаан юм.

 

    Рашаанд оруулах эмчилгээнээс гадна ам хамар зайлах, шавших, 4 мөчний ваннд орох,утлага эмчилгээ, хийхийн зэрэгцээ эмчилгээний бүрдэлд, эмэгтэйчүүдийн угаалга, усан эмчилгээ багтдаг. мэс заслын дараах шархны эдгэрэлт удааширсан бол шавших угаалга хийх түлэгдлээс үүссэн сорви зэргийг эмчилж шавар тавихын өмнө шар усны нүхийг нээх цус лимфийн урсгалыг сайжруулж, микро элементийг арьсаар нэвчүүлэх замаар эмчилгээ хийж байна.

   Рашаан нь тулгуур хөдөлгөөний эрхтний өвчин, захын болон төв мэдрэлийн систем, арьс, шээсний зам, амьсгалын замын өвчин, эмэгтэйчүүдийн өвчнүүдэд нэн сайн. Биеийн дулааны болон эрдэс бодисын солилцоог сайжруулж, биеийг шимжүүлэн тунгалагийн эргэлт, хий цусны эргэлтийг сайжруулж, булчин шөрмөсийг сулруулах, шар усны гэмийг арилгана.